Утасны дугаар түрээслэх

Bitrix24 -д дуудлага хийх, хүлээн авахын тулд Telephony тохируулна. Хэрэв өөрийн утасны дугаар байгаа тохиолдолд SIP Connector суулгах эсвэл REST API ашиглан холбоно. Хэрэв утасны дугаар байхгүй тохиолдолд Bitrix24 -ээс виртуал утасны дугаар түрээслэх боломжтой. Утасны дугаарын үйлчилгээ үзүүлэгч нь Voximplant Inc. байна.

Утасны дугаар түрээслэх үйлчилгээ нь төлбөртэй багцууд болон туршилтын горимд ашиглах үед нээлттэй байдаг.

Bitrix24 багцууд болон үнийн мэдээлэл
15 хоногийн үнэгүй туршилт

Утасны дугаар түрээслэхийн тулд CRM → Add-ons → Telephony хэсэг рүү хандана. Connection хуудсанд дараах үйлдлүүдийг хийнэ. Үүнд:

1. Үлдэгдэл данс цэнэглэх. Утасны дугаар түрээслэх сарын төлбөрийг Telephony үлдэгдлээс суутгадаг. Үлдэгдэл дансаа цэнэглэхийн тулд Bitrix24 Telephony блок дахь Top up дээр дарна.
Bitrix24 Telephony төлбөр

2. Rent a number дээр дарна. Үүний дараа хуудасны баруун талаас тохиргооны самбар нээгдэнэ.

3. Утасны дугаар түрээслэх улс, муж болон бүсээ сонгоно.

4. Дараа нь утасны дугаарын төрлөө сонгоно: Local, Mobile, Toll-free
Дараагийн алхмууд нь сонгосон улсаас хамаарна. Хэрэв хуудсан дээр нэмэлт мэдээлэл оруулах талбар харагдахгүй бол доод хэсгийн Rent дээр дарж түрээсийн үйл явцыг дуусгана. Харин нэмэлт талбарууд гарч ирвэл дараагийн алхмын зааврыг дагана.

5. Баталгаажуулах баримт бичиг байршуулах. Зарим улс, бүс нутагт систем баталгаажуулах баримт бичиг шаардаж болно. Үүнд хаягийн баталгаа, паспорт эсвэл иргэний үнэмлэхийн хуулбар багтаж болно. Зарим улсад мөн оршин суугаа газрын баталгаа шаарддаг. Энэ нь ихэвчлэн паспорт эсвэл иргэний үнэмлэх, мөн оршин суугаа хаяг нь тодорхой харагдах нийтийн үйлчилгээний төлбөрийн баримт байдаг.

Үргэлжлүүлэхийн тулд Upload verification documentation дээр дарж, шаардлагатай мэдээллийг бөглөнө.

Илгээсэн баримт бичгүүдийг Voximplant Inc. ихэвчлэн ажлын 2 өдрийн дотор шалгаж баталгаажуулдаг. Баталгаажуулалтын явцыг Upload documentation блокоос шалгах боломжтой.

Таны түрээслэсэн утасны дугаар My numbers хэсэгт харагдана.

Түрээсийн хугацаа Telephony үлдэгдлээс төлбөр амжилттай суутгагдсан даруйд эхэлнэ. Түрээсийн төлбөрийг сар бүр автоматаар суутгаж, сунгагдана. Жишээлбэл, хэрэв та утасны дугаараа 2024 оны 2-р сарын 1-нд түрээслэсэн бол дараагийн төлбөр 2024 оны 3-р сарын 1-нд автоматаар суутгагдана.

ТОВЧ ОЙЛГОЛТ

• Утасны дугаар түрээслэснээр дуудлага хийх болон хүлээн авах боломжтой.
• Утасны дугаар түрээслэхийн тулд Telephony үлдэгдлээ цэнэглэж, шаардлагатай тохиолдолд баталгаажуулах баримт бичиг байршуулна.
• Түрээсийн төлбөрийг Telephony үлдэгдлээс сар бүр автоматаар суутгана.